ВТОР КОНГРЕС НА ФИЗИЈАТРИ НА РЕПУБЛИКА МАКЕДОНИЈА
СО МЕЃУНАРОДНО УЧЕСТВО

ПОРАКА ЗА ДОБРЕДОЈДЕ

Почитувани колеги,

Ми претставува особена чест и задоволство во име на Организациониот одбор на Конгресот да Ве поканам да учествувате на Вториот конгрес на физијатри на Република Македонија со меѓународно учество, кој ќе се одржи од 15-ти до 18-ти септември 2010 година во Охрид, Република Македонија.

Конгресот има значајна улога во придонесот за промовирање и стимулирање на научноистражувачката работа во областа на физикалната медицина и рехабилитација, овозможува поголема размена на актуелни информации, а со тоа и поголема достапност до најновите и најсоодветните третмани од областа на физикалната медицина и рехабилитација.

Прим. д-р. Велика Лабачевска
Претседател на Организациониот одбор

КОНГРЕСНИ ТЕЛА

Претседател на Организационен одбор: Прим. д-р Велика Лабачевска

Претседател на Научен одбор: Проф. д-р Ериета Николиќ-Димитрова

Генерален секретар: Прим. д-р Лидија Ивановска

Технички секретари: Прим. д-р Лидија Ивановска, д-р Елка Андоновска

КОНГРЕСЕН ОДБОР

• Прим. д-р Велика Лабачевска
• Проф. д-р Ериета Николиќ-Димитрова
• Прим. д-р Лидија Ивановска

ОРГАНИЗАЦИОНЕН ОДБОР

• Прим. д-р Велика Лабачевска
• д-р Зоран Димовски
• д-р Фиданчо Трајановски
• д-р Снежана Стефановска
• д-р Коле Неделковски
• д-р Славица Бузалкова
• д-р Елизабета Рамова

НАУЧЕН ОДБОР

• Проф. д-р Ериета Николиќ-Димитрова
• Проф. д-р Стојан Грков
• Прим. м-р д-р Мирослава Стојановска
• Прим. д-р Лилјана Угриновска
• Прим. д-р Снежана Геракароска
• Прим. д-р Јулијана Аргакиева-Николова
• Прим. д-р Лидија Ивановска
• д-р Јулијана Мудинова

ТЕМИ НА КОНГРЕСОТ

Вториот конгрес на физијатри на Република Македонија ги покрива следните теми:

1. Остеопороза
2. Ревматолошки заболувања
3. Деформитети на скелет во детска возраст
4. Траума на мускулоскелетен систем
5. Лезија на периферен моторен неврон
6. Слободни теми

ОПШТИ ИНФОРМАЦИИ

ЈАЗИК

Официјални јазици на Конгресот се македонски и англиски.

МЕСТО НА ОДРЖУВАЊЕ

Езерски комплекс Метропол, Охрид, Република Македонија.

ВРЕМЕ НА ОДРЖУВАЊЕ

Конгресот ќе започне со работа во среда на 15-ти септември и ќе заврши со работа во сабота на 18-ти септември 2010. Свеченото отварање на конгресот и прием за добредојде ќе се одржи во среда, од 19.00 часот во хотелскиот комплекс Метропол. Работни часови на конгресот ќе бидат од 09.00 до 19.00 часот на 16-ти и 17-ти септември, и од 09.00 до 11.00 часот на 18-ти септември 2010 година.

КЛИМА

Времето во Охрид во средината на септември во текот на денот обично е сончево и топло, а навечер свежо. Може да понесете костим за капење, но корисно е да се има и потопла гардероба.

СЕРТИФИКАТ ЗА УЧЕСТВО

Сертификат за учество ќе добијат сите регистрирани учесници на конгресот. Конгресот е акредитиран од Лекарската комора на Македонија, и за учеството ќе добијат сертификати и кредити за КМЕ.

ИДЕНТИФИКАЦИОНА КАРТИЧКА

Сите регистрирани учесници ќе добијат идентификациона картичка откако ќе се регистрираат. Веџот мора да се носи на видливо место за цело време на конгресот и дозволува пристап на научните сесии и на комерцијалната изложба.

ПУЛТ ЗА ИНФОРМАЦИИ

Пултот за информации ќе биде отворен од 17.00 часот до 19.00 часот на 15-ти септември 2010. Од 09.00 до 19.00 часот на 16-ти и 17-ти септември и од 09.00 до 11.00 часот на 18-ти септември 2010 година.

ПОКАНА

На барање, Организаторот со задоволство ќе испрати писмо-покана на учесниците на конгресот. Ваквото писмо сепак не претставува и обврзување од страна на Организаторот за покривање на котизацијата, сместувањето, патните и другите трошоци.

УПАТСТВО ЗА ПОДГОТОВКА НА АБСТРАКТИ

ПРЕД ДА ГО ПОДГОТВИТЕ СВОЈОТ АБСТРАКТ ВНИМАТЕЛНО ПРОЧИТАЈТЕ ГИ УПАТСТВАТА ЗА ПОДГОТВУВАЊЕ И ИСПРАЌАЊЕ НА АБСТРАКТИ

Абстрактот може да биде испратен само на e-mail на адресата на Здружението на Физијатри на Република Македонија: fizijatri@yahoo.com. Web страната на здружението е: www.fizijatri.org.mk.

Краен орок за поднесување на абстракти е 20-ти април 2010 година.

ТЕХНИЧКИ ИЗГЛЕД НА АБСТРАКТИТЕ

Јазик: Абстрактите може да бидат напишани на македонски или англиски јазик.

Тема: Абстрактите треба да бидат групирани според темата. Изберете ја точната тема која одговара на содржината на Вашиот абстракт.

Големина: Абстрактот може да содржи најмногу 2400 карактери (без празни места), вклучувајќи ги насловот, авторите и институциите.

Фонт и проред: да биде во македонска или англиска поддршка, со единечен проред, фонт Ariel, големина на буквите 10.

Наслов: Насловот на абстрактот треба да биде напишан со големи букви, нездебелени (неболдирани) и неподвлечени.

Автори: Не пишувајте со големи букви. Напишете ги прво иницијалите на името, а потоа презимето, (пр: С. М. Станковска), без титули. Потоа напишете ги коавторите на истиот начин. Подвлечете го името на авторот што ќе го презентира трудот.

Институција: Не пишувајте со големи букви. Кога се споменува повеќе од една институција, означете ги авторите со број после името, а институцијата со идентичен број пред името (прЧ С. М. Станковска 1, Б. Јакомовски 2, 1 вод за Физикална медицина и рехабилитација - Скопје, 2 Медицински центар - Велес, Република Македонија).

Делови на абстрактот: Абстрактот треба да ги содржи следните делови:

1. Наслов
2. Вовед
3. Цел
4. Методи
5. Резултати
6. Заклучок
7. Литература (* цитирајте најмногу три автори)

Изберете дали сакате усна или постер презентација на трудот. Сепак Научниот одбор на Конгресот го задржува правото за конечен избор на начинот на презентација.

• Двајца рецензенти независно ќе ги проценуваат абстрактите, според нивната научна и практична клиничка вредност, соодветноста на применетите методи и на донесените заклучоци, оригиналноста на работата и општиот впечаток.
• Крајната одлука за прифаќање или одбивање на абстрактот ќе биде донесена од Научниот одбор на Конгресот.
• Известување дали абстрактот е прифатен, ќе добиете најдоцна до 01.08.2010 година, на вашата e-mail адреса.
• Абстрактот нема да биде прифатен ако бил презентиран во идентична форма во некоја претходна пригода.
• Прифатените абстракти ќе бидат испечатени во конгресната Книга на абстракти.
• Абстрактите ќе бидат печаните во оригинална форма, без корекции. Ве молиме да внимавата Вашиот абстракт да не содржи граматички или содржински грешки.

ВАЖНИ ДАТУМИ

Прием на абстракти на e-mail адресата на Здружението на физијатри на Република Македонија: fizijatri@yahoo.com која можете да ја најдете на веб страницата на Здружението: www.fizijatri.org.mk.

Краен рок за поднесување на абстракти е 20-ти април 2010.

Краен рок за поднесување на проширени абстракти е: 30-ти јуни 2010.

Известување за прифаќање на абстрактот ќе има најдоцна до 01-ви август 2010.

УПАТСТВО ЗА ПРЕЗЕНТАЦИЈА НА АБСТРАКТИТЕ

Усмени презентации:

• Времетраењето на усмените презентации треба да биде 7 минути за избраните предавања.
• Времетраењето на воведните предавања и предавањата на поканетите предавачи може да биде до 20 минути.
• За предавањата на располагање ќе биде опрема за Power Point презентација.
• Ве молиме, проверете ја Вашата презентација со одговорното лице најмалку половина час пред Вашето излагање.

Постер презентации:

• Постерот треба да биде со следните димензии: 80 см широчина и 90 см висина.
• Постерите треба да бидат наместени пред 09.00 часот на денот на презентацијата, и да бидат отстранети после 19.00 часот истиот ден.
• Авторот треба да биде покрај постерот од 13.30 - 14.00 часот, во времето одредено за разгледување на постери.

КОТИЗАЦИЈА

Котизацијата за лекарите учесници вклучува:

• Презентација на трудови и пристап на предавањата
• Конгресни документи и беџ
• Финална програма и книга на абстракти
• Пристап до комерцијалната изложба и постерите
• Свечено отварање на Конгресот со коктел, среда, 15-ти септември 2010.
• Свечена вечера, петок, 17-ти септември 2010.

Котизацијата за придружните лица вклучува:

• Свечено отварање на Конгресот со коктел, среда, 15-ти септември 2010.
• Свечена вечера, петок, 17-ти септември 2010.

КОМЕРЦИЈАЛНИ ПРЕЗЕНТАЦИИ И СПОНОЗОРИРАЊЕ

Можни се спонозорирање на Конгресот, комерцијални презентации и сателитски симпозиуми во тек на конгресот. Тие треба да се одобрени од научниот одбор на конгресот.

Паралелно со одржување на конгресот ќе биде организирана комерцијална изложба од фармацевтските куќи.

Поради ограничениот простор за изложување, изложбените штандови ќе се доделуваат според редоследот на пријавување.

За сите информации Ве молиме да се обратите на Организациониот одбор на Конгресот на адресата: fizijatri@yahoo.com.

Одржување на Конгресот и сместување е во ЕЗЕРСКИ КОМПЛЕКС МЕТРОПОЛ.

РЕЗЕРВАЦИЈА И УПЛАТА

Официјална конгресна туристичка агенција

ВИС ПОЈ
Патнички и туристички центар
Булевар Туристичка 50,
6000 Охрид, Република Македонија

Телефон: ++389 46 255 600; 255 601; 255 602
Факс: ++389 46 255 600; 256 321

контакт: congress@vispoj.com.mk

АДРЕСИ ЗА КОНТАКТ

Организационен одбор на Конгресот

Информации можете да најдете на веб страницата на Здружението на физијатри на Република Македонија: www.fizijatri.org.mk.

Тел.: ++389 (0)2 317 65 84 лок. 221 - контакт лице д-р Лидија Ивановска

e-mail: fizijatri@yahoo.com, dr.ivanovska@yahoo.com